அசின் இந்தியில் “ஹவுஸ்புல்-2” படத்தில் நடித்து முடித்துள்ளார். ஏப்ரல் 5-ல் இப்படம் ரிலீசாகிறது. தற்போது போல்பச்சன், பாக்கெட் மார், ரேஸ்-2, 2 ஸ்டேட்ஸ் படங்களில் நடித்துக்கொண்டு இருக்கிறார். இப்படங்களுக்கு பின் அவருக்கு இந்தியில் படங்கள் இல்லை. தமிழில் கடைசியாக விஜய்யுடன் “காவலன்” படத்தில் நடித்தார். கடந்த வருடம் இது ரிலீசானது.

அடுத்து கமல் ஜோடியாக புதிய தமிழ் படத்தில் நடிக்கப் போவதாக செய்தி வெளியாகி உள்ளது. இப்படத்தை ஷங்கர் இயக்குவதாகவும் ஆஸ்கார் ரவிச்சந்திரன் தயாரிக்கப் போவதாகவும் கூறப்படுகிறது. இதுகுறித்து அசின் அளித்த பேட்டி வருமாறு:-

ஷங்கர் இயக்கும் படத்தில் கமல் ஜோடியாக நான் நடிக்கப்போவதாக வெளியான செய்தி யூகத்தின் அடிப்படையிலானது. ஷங்கரை பட விழாக்களில் சந்தித்து இருக்கிறேன். அப்போது பல விஷயங்கள் பற்றி என்னிடம் பேசுவார். பேஸ்புக்கிலும் நாங்கள் உரையாடுகிறோம். ஆனால் கமல் ஜோடியாக நடிப்பது பற்றி அவர் எதுவுமே என்னிடம் பேசியது இல்லை. அழைத்ததும் இல்லை. வாய்ப்பு வந்தால் கமல் ஜோடியாக நிச்சயம் நடிப்பேன்.