ரஜினி பெயரில் ஒரு 'உட்டாலக்கடி' இணையதளம்!!

posted Jan 25, 2012, 6:22 PM by Sathiyaraj Thambiaiyah   [ updated Jan 25, 2012, 6:22 PM ]
பொதுவாக ஒரு இணைய தளம் இயங்க வேண்டுமென்றால் இன்டர்நெட் இணைப்பு அவசியம். ஆனால் இப்போது 'ஆல்அபவுட் ரஜினி' புதிய இணையதளத்தை உருவாக்கி, அதை இன்டர்நெட் இணைப்பு இல்லாமல் ஆஃப் லைனிலேயே இயங்க வைத்துள்ளனர்.

இந்த இணையதளம் குறித்த தகவல் பரவியதுமே ஏக வரவேற்பு கிடைத்துவிட்டதாகச் சொல்கிறார், இதனை உருவாக்கியுள்ள தேசிமார்டினி.காம் நிறுவனத்தின் நிர்வாக இயக்குநர் குருபக்ஷ் சிங்.

முடிவான சோதனைகளுக்குப் பிறகு இந்த தளத்தினை இயங்க வைத்து, அதன் குறியீடுகள் குறித்தும் வெளிப்படையாக அறிவித்துள்ளனர். இன்றைய நிலவரப்படி, இன்டர்நெட் இணைப்பில்லாமல் ஆஃப் லைனில் இயங்கும் உலகின் முதல் இணையதளம் 'allaboutrajni.com ' தான் என்று கூறுகிறார்கள்!

ரஜினி என்றாலே அசாதாரணம் என்று அர்த்தம் என்ற பொருளில் வட இந்தியாவில் பிரபலமாகிவிட்ட கமெண்டுகள் ஏராளம்.

இப்போது 'ரஜினியின் பேரை வச்சா இன்டர்நெட் கனெக்ஷன் இல்லாமலே இணையதளம் இயங்கும் என்று கூற ஆரம்பித்துள்ளனர்.

அதே நேரம் இது பழைய டெக்னிக்தான் என்றும், சின்ன ஸ்கூல் பசங்களே இந்த வேலையைச் செய்துவிடுவார்கள் என்ற விமர்சனமும் இல்லாமல் இல்லை.

இன்டநெட்டே இல்லாமல் இந்த தளமும் உண்மையில் இயங்குவதில்லை. இந்தத் தளத்தை திரையில் காண இன்டர்நெட் கனெக்ஷன் அவசியம். தளம் தெரிந்த பிறகு, இணைப்பை துண்டித்துவிட்டு, அதில் உள்ள மூன்று பகுதிகளுக்குள் நுழைந்து பார்க்க முடியும். எனவே இது ஒரு ஏமாற்று வேலை என்பவர்களும் உண்டு.

எப்படியோ, அவரவர் வெப்சைட் ஆரம்பித்து, அதை பிரபலமாக்க படாத பாடுபட்டுக் கொண்டிருக்கும் சூழலில், ரஜினி என்ற பயன்படுத்தி வெப்சைட் ஆரம்பித்தவர்களுக்கு கிடைத்தது ஜஸ்ட் இரண்டே நாளில் அபார விளம்பரம்... பிரபலம்!