இதேவேளை ஓர் ஏக்கரில் 35-40 மூடைகள் வரை நெல்விளைச்சல் கிடைத்துவருவதாகவும் உத்தரவாதவிலையில் நெல் விற்பனை செய்வதிலுள்ள சிரமங்கள், தாமதங்கள் காரணமாக, தனியார் வியாபாரிகளின் தில்லுமுல்லுகள் மற்றும் மோடிசடிகளில் சிக்க வேண்டியுள்ளதாகவும் விவசாயிகள் கவலை தெரிவித்தனர். முன்னர் அறுவடைக் காலம் வந்தால் (அருவி வெட்டுதல்) குதூகல வருமானத்துடன் திகழ்ந்த பாமர ஏழை அறுவடைத் தொழிலாளர்கள், அறுவடை இயந்திரங்களின் பாவனை காரணமாக தொழிலின்றி முடங்கிக் கிடக்கும் பேரவலமும் நீடிக்கின்றது. எனினும் அறுவடை இயந்திரங்களைச் செலுத்த முடியாத சதுப்புக் காணிகளில் அறுவடைத் தொழிலாளர்களைக் கொண்டே அறுவடை செய்யும் நிலைமையும் உள்ளது.